قصور، فیصل آباد، ٹوبہ: گھریلو حالات سے دلبرداشتہ خاتون سمیت 4 افراد کی خودکشی
لاہور (نامہ نگاران) خودکشی کے واقعات میں گھریلو حالات سے دلبرداشتہ خاتون سمیت 4 افراد نے زندگی کا خاتمہ کر لیا۔ قصور کے نواحی علاقہ بدھائی کے جھگیاں میں سہیل احمد نے زہریلی گولیاں کھا کر اپنی زندگی کا خاتمہ کر لیا۔ سہیل احمد کا گھر میں چند دنوں لڑائی جھگڑا چھل رہا تھا۔ فیصل آباد کے چک 7 ج ب نشاط آباد طارق کی بیٹی رضیہ بی بی نے زہریلا کیمیکل نگل لیا جبکہ چنیوٹ کے رہائشی 25 سالہ محمد نے گھریلو ناچاقی سے تنگ آ کر زہریلی گولیاں کھا لیں۔ دونوں کو تشویشناک حالت میں الائیڈ ہسپتال داخل کروایا گیا لیکن جانبر نہ ہو سکے۔ ٹوبہ ٹیک سنگھ کے نواحی علاقہ سیووال میں شجر حسن نے پنکھے کے ساتھ پھندا ڈال کر خودکشی کر لی۔
