پورٹ الزبتھ (سپورٹس ڈیسک )جنوبی افریقہ نے سری لنکا کو تین میچوں کی ٹیسٹ سیریزکے پہلے میچ میں 206 رنز سے شکست دے کر سیریز میں 0-1 کی برتری حاصل کرلی۔پورٹ ایلزبیتھ میں کھیلے گئے ٹیسٹ میچ کے آخری روز سری لنکا کی ٹیم 488 رنز کے ہدف کے تعاقب میں281 رنز بنا کر آؤٹ ہوئی۔کاگیسو رابادا اور مہاراج نے 3،3 وکٹیں حاصل کیں۔سٹیفن کک کو میچ کا بہترین کھلاڑی قرار دیا گیا۔قبل ازیں جنوبی افریقہ نے پہلی اننگز میں 286 جبکہ دوسری اننگز کو 6 وکٹوں پر 406 رنز بنا کر 488 رنز کی برتری حاصل کرکے ڈکلیئر کردی تھی۔