اردو یونیورسٹی اسلام آباد کیمپس میں دو طلباء تنظیموں کے مابین تصادم، فائرنگ سے طلباء و طالبات میں خوف و ہراس
اسلام آباد (صباح نیوز) وفاقی دارالحکومت میں قائم اردو یونیورسٹی اسلام آباد کیمپس میں دو طلبا تنظیموں کے مابین تصادم ہوا، فائرنگ سے طلباء و طالبات میں خوف و ہراس پھیل گیا جبکہ یونیورسٹی کے سامنے موجود گرین بیلٹ میدان جنگ بنا رہا۔ تفصیلات کے مطابق پیر کے روز یونیورسٹی میں زیرتعلیم طلباء کی دو تنظیموں ایم ایس ایف اور سرائیکی سٹوڈنٹس فیڈریشن کے مابین مبینہ تصادم سے یونیورسٹی میں خوف و ہراس پھیل گیا جبکہ ایم ایس ایف کے طلباء کی جانب سے کھلے عام ہوائی فائرنگ سے علاقہ گونج اٹھا تاہم خوش قسمتی سے کوئی جانی و مالی نقصان نہیں ہوا۔
