برسبین اوپن ٹینس ٹورنا منٹ : اعصام کی جوڑی کو شکست ، ثانیہ مرزا کامیاب
لاہور (نمائندہ سپورٹس+ سپورٹس رپورٹر) پاکستان کے اعصام الحق قریشی برسبین اوپن ٹینس ٹورنا منٹ کے پہلے رائونڈ میں شکست کھاکر ایونٹ سے باہر ہوگئے ۔مینز ڈبلز میں پاکستانی اعصام الحق اور جوڑی دار بلغارین گریگور دمتروف کو فرانسیسی جوڑی ہربرٹ اور نیکولاس ماہوت نے چھ چار اور چھ تین سے شکست دی۔ بھارتی ٹینس سٹار ثانیہ مرزاکی جوڑی ویمنز ڈبلز کے کوارٹر فائنل میں پہنچ گئیں ۔ثانیہ اور میٹک سینڈز کی جوڑی نے پہلے رائونڈ میں فرانس کی علیزے کورنیٹ اوربیلجیئم کی مرٹنز کی جوڑی کوچھ ایک اور چھ ایک سے شکست دی ۔
