کیپ ٹاون(سپورٹس ڈیسک)دوسرے ٹیسٹ کے دوسرے روز سری لنکا جنوبی افریقہ کے 392رنز کے جواب میں 110رنز بناکر آئوٹ ہوگئی ۔ جنوبی افریقہ نے فالو آن کرانے کی بجائے خود بیٹنگ کو ترجیح دی اور دوسری اننگز میں بغیر کسی نقصان کے 35رنز بنا کر 317رنز کی برتری حاصل کرلی۔ سری لنکا کی جانب سے سلوا اور ڈیموتھ نے کھیل کا آغاز کیا ۔6کھلاڑی ڈبل فیگر میں داخل نہ ہوسکے۔کرونا رتنے 24رنز بناکر نمایاں رہے ۔ کاگیسو ربادا اور ورنن فلینڈر نے چار چار کھلاڑیوں کو آئوٹ کیا۔اس سے قبل جنوبی افریقہ نے ٹاس جیت کر پہلے بیٹنگ کافیصلہ کیا اور 392رنز بنائے جس میں ڈین الگر 129رنز کے ساتھ سرفہرست رہے جبکہ ڈی کاک نے بھی 101رنز کی انتہائی شاندار اننگز کھیلی۔کمارا نے چھ کھلاڑیوں کو آئوٹ کیا۔