اسلام آباد (سپیشل رپورٹ) صدرممنون حسین نے کہا ہے کہ غربت کے خاتمے کے لئے بے نظیر انکم سپورٹ پروگرام اہم کردار ادا کر رہا ہے۔ صدر نے یہ بات بے نظیر انکم سپورٹ پروگرام کی چیئر پرسن ماروی میمن سے گزشتہ روز ایوان صدر میں بات چیت کرتے ہوئے کیا۔ ماروی میمن نے صدر کو بے نظیر انکم سپورٹ پروگرام کے بارے میں بریف کیا۔ صدر نے اس بات پر اطمینان کا اظہار کیا کہ بے نظیر انکم سپورٹ پروگرام وسعت اختیار کررہا ہے اور بائیو میٹرک نظام کے ذریعے اس میں شفافیت لائی جا رہی ہے۔