:آرمی چیف سے برطانوی ہائی کمشنر کی ملاقات، سکیورٹی امور پر تبادلہ خیال
لاہور + راولپنڈی (این این آئی + سپورٹس رپورٹر) چیف آف آرمی سٹاف جنرل قمر جاوید باجوہ سے برطانوی ہائی کمشنر تھامس ڈریو نے ملاقات کی ۔ آئی ایس پی آر کے مطابق جمعہ کو جی ایچ کیو میں ہونے والی ملاقات کے دوران باہمی دلچسپی اور خطے کی سکیورٹی سے متعلق امور زیر غور لائے گئے۔ برطانوی ہائی کمشنر نے خطے میں امن اور استحکام کےلئے پاکستان کی مسلسل کوششوں کو سراہا۔ آرمی چیف جنرل قمر جاوید باجوہ نے کہا کہ پاکستان دہشتگردی کے خلاف اپنی کوششوں میں تمام ممالک کی حمایت کو بہت اہمیت دیتا ہے۔ چیف آف آرمی سٹاف جنرل قمر جاوید باجوہ سے سلور فلائی ویٹ چمپئن باکسر محمد وسیم نے جی ایچ کیو میں ملاقات کی۔ آرمی چیف نے محمد وسیم کی شاندار کامیابیوں کو سراہتے ہوئے امید ظاہر کی کہ پاکستانی نوجوان ان کے نقش قدم پر چلتے ہوئے ملک کا نام روشن کرینگے۔
آرمی چیف
