لاہور(نمائندہ سپورٹس +سپورٹس رپورٹر ) عالمی نمبر 49 پاکستان کے سکواش کھلاڑی فرحان محبوب نے فرسٹ پریذیڈنٹ گولڈ کپ انٹرنیشنل سکواش ٹورنامنٹ 2017 کے فائنل میں ہانگ کانگ کے کھلاڑی لیو او کو شکست دیدی۔فائنل میں فرحان محبوب نے عالمی نمبر 30 لیواو زیر کیا۔فرحان محبوب نے گزشتہ سال سرینا ہوٹل چیف آف ائر سٹاف انٹرنیشنل سکواش چمپین شپ بھی اپنے نام کی تھی ۔صدر ممنون حسین اختتامی تقریب کے مہمان خصوصی تھے جنھوں نے انعامات تقسیم کیے۔ تقریب میں پاکستان سکواش فیڈریشن کے صدر ائرچیف سہیل امان، سکواش کے سابق عظیم کھلاڑی قمرزمان اور جہانگیر خان کے علاوہ فوجی و سول افسران سمیت سکواش کے مداحوں کی بڑی تعداد بھی موجود تھی۔