لاہور(نمائندہ سپورٹس )انضمام الحق کی سربراہی میں قومی سلیکشن کمیٹی نے ٹیم انتظامیہ کی درخواست پر محمد حفیظ کو ایک روزہ سیریز کے لیے 16ویں کھلاڑی کے طور پر آسٹریلیا بھیجنے کا فیصلہ کرلیا۔پی سی بی عہدیدار نے بتایا کہ ہیڈ کوچ مکی آرتھر اور کپتان اظہرعلی سمیت ٹیم انتظامیہ نے سلیکشن کمیٹی سے درخواست کی تھی کی آل راؤنڈر محمد حفیظ کو فوری طور پرآسٹریلیا بھیج دیا جائے۔ چیئرمین پی سی بی شہریار خان نے منظوری دیدی ہے۔پی سی بی اہلکار کا کہنا تھا کہ محمد حفیظ دو تین دن میں آسٹریلیا میں ٹیم کو جوائن کر لینگے۔