ایبٹ آباد (صباح نیوز) پاکستان ہاکی فیڈریشن کے سیکرٹری جنرل و سابق اولمپئن شہباز سینئر نے کہا ہے کہ اگلے تین سال ہماری ٹیم کوئی بھی نیشنل لیول کا کوئی ایونٹ نہیں جیت سکتی اگر میں اپنے ساتھ19 کوچ بھی رکھ لوں تو یہ ممکن نہیں ہو سکتا ہاکی کے کھیل سے حکومتی عدم دلچسپی اور میرٹ پر ٹیم کی سلیکشن نہ ہونے کی وجہ سے پاکستان میں ہاکی کا کھیل زوال پذیر ہوا ہے اور اس کے ساتھ ساتھ دیہی علاقوں اور غریب طبقے سے تعلق رکھنے والے کھلاڑی ہاکی کھیلنے کیلئے سامان خریدنے کی استطاعت نہیں رکھتے ہیں اور ملک کی سطح پر ہاکی کے گرائونڈز کو وہ بھی اہمیت نہیں دی گئی ہے جو کرکٹ کو دی گئی ہے اور سکول کی سطح پر سے ہی اس کھیل پر توجہ دینے سے اس میں بہتری آئے گی۔ ان خیالات کا اظہار انہوں نے ایبٹ آباد میں جاری ریجنل انڈر16 ہاکی چیمپئن شپ کی اختتامی تقریب کے بعد صحافیوں سے بات چیت کرتے ہوئے کیا۔