لاہور (پ ر) سجادہ نشین حضرت میراں حسین زنجانیؒ، یعقوب حسین زنجانی‘ پیر سید ہاشم علی شاہ زنجانیؒ نے کہا ہے کہ اولیاء کرام کی تعلیمات انسانیت کیلئے مشعل راہ ہیں۔ اولیاء کرام نے انسانیت کی خدمت کے ذریعے اشاعت دین کا فریضہ نبھایا۔ آج ملک جن بحرانوں کا شکار ہے ان سے نجات کیلئے اولیاء کرام کے طرز عمل پر اپنانے کی ضرورت ہے۔ دہشت گردی اور انتہاپسندی سے نجات کیلئے یہ بہترین راستہ ہے۔ اولیاء کرام سیرت رسولؐ پر عمل کرنے والے اور انسانوں سے محبت کرتے تھے۔ انسانوں کی خدمت کے ذریعے انہوں نے دلوں میں جگہ بنائی۔ یہی وجہ ہے کہ ان کے آستانے اور خانقاہیں آج بھی انسانیت کے دکھوں کا مداوا کررہی ہیں۔