قومی انڈر 18 ہاکی ٹیم کا تربیتی کیمپ آج سے شروع
لاہور(سپورٹس رپورٹر ) قومی انڈر 18 ہاکی ٹیم کے تربیتی کیمپ میں ٹریننگ کا آغازآج سے جوہر ٹاون ہاکی سٹیڈیم لاہور میں ہوگا۔ کیمپ کمانڈنٹ و ہیڈ کوچ کامران اشرف نے کہا کہ کیمپ کےلئے 44 ممکنہ کھلاڑیوں کے ناموں کا اعلان کیا گیا ہے اور ان کھلاڑیوں کو تین مرحلوں میں ٹریننگ دی جائے گی۔پہلے مرحلے میں لگائے جانے والے تربیتی کیمپ میں صبح شام کے دو مختلف سیشن میں کھلاڑیوں کی بنیادی سکلز اور فزیکل فٹنس پر زور دیا جائے گا ۔
