لاہور (سپورٹس رپورٹر) پاکستان میں انٹرنیشنل کرکٹ کی بحالی میںایک اور رکاوٹ آگئی،فیڈریشن آف انٹرنیشنل کرکٹرز ایسوسی ایشن پاکستان میں انٹرنیشنل کرکٹ کی بحالی میں ایک بارپھر رکاوٹ بن کر سامنے آگئی۔ فیڈریشن آف انٹرنیشنل کرکٹرز ایسوسی ایشن کو پاکستان اور بھارت تسلیم نہیں کرتے مگر پھر بھی یہ پاکستان کے معاملات میں ٹانگ اڑانے سے باز نہیں آتی۔ویسٹ انڈین کرکٹرز نے پاکستان کے سفر کو پلیئرز کی عالمی باڈی کی کلیئرنس سے مشروط کردیا۔فیفا کا کہنا ہے کہ ہمیں جو ایڈوائس موصول ہوئیں ہیں ان میں واضح کیا گیا ہے انٹرنیشنل پلیئرز کے سفر کرنے کے لئے پاکستان بدستور ایک خطرناک ملک ہے۔ویسٹ انڈیز کے جو کھلاڑی پاکستان آنے کی خواہش رکھتے بھی ہیں وہ بھی فیکا کی جانب ہی دیکھ رہے ہیں۔