مظفرآباد (صباح نیوز) صدر پاکستان ممنون حسین آج جمعرات کو ایک روزہ دورہ پر مظفرآباد آئیں گے، صدر ریاست سردار مسعود خان اور وزیراعظم آزاد کشمیر کابینہ اراکین سمیت مظفرآباد میں موجود رہیں گے۔ حکومتی ذرائع کے مطابق میڈیکل کالج کے آڈیٹوریم میں بانی پاکستان قائد اعظم محمد علی جناح کی یوم پیدائش کے موقع پر آج تقریب کا انعقاد کیا گیا ہے، صدر پاکستان ممنون حسین اس تقریب کے مہمان خصوصی ہونگے۔ آج شام چار بجے تک ایوان صدر جلال آباد سے لے کر نڑول سٹیڈیم تک ہر قسم کی ٹریفک کی آمدورفت بند رہے گی اور اس راستے میں آنے والے دفاتر کو بھی بند رکھا جائے گا۔
ممنون حسین