وزیراعلیٰ کی ہدایت پر گوادر میں بحریہ ماڈل سکول کی بنیاد رکھ دی: رانا مشہود
لاہور (سٹاف رپورٹر)صوبائی وزیرتعلیم رانا مشہود احمد خاں نے کہا ہے کہ خادم اعلیٰ کی خصوصی ہدایات پر بحریہ ماڈل سکول گوادرکی بنیاد رکھی گئی ہے جو کہ گوادر کے بچوں کےلئے انمول تحفہ ثابت ہو گاصوبائی وزیر تعلیم رانا مشہود احمد خاں نے خادم پنجاب بحریہ ماڈل سکول گوادر کے حوالے سے منعقدہ اجلاس کی صدارت کرتے ہوئے کہا کہ دانش سکولوں اور انڈوومنٹ فنڈ میں بلوچستان کے ہونہار طلبا و طالبات کیلئے خصوصی کوٹہ رکھا گیا ہے پنجاب بڑا بھائی بن کر دکھا رہا ہے۔سی پیک منصوبے کی بدولت گوادر میں ترقی و خوشحالی آئے گی۔
صوبائی وزیر نے کہا کہ”خادم پنجاب ماڈل سکول گوادر“ منصوبہ بلوچستان کے علاقے گوادر کے بچوں کو معیاری تعلیم کی فراہمی میں اہم کردار ادا کرے گا۔
