لاہور(سپورٹس رپورٹر) پاکستان سینئر ہاکی ٹیم کے ممکنہ کھلاڑیوں کا تربیتی کیمپ ان دنوں کراچی میں عبدالستار ایدھی ہاکی سٹیڈیم میں جاری ہے۔ پاکستان ہاکی فیڈریشن نے کیمپ میں بلائے گئے 74 کھلاڑیوں کو شاٹ لسٹ کرنے کے لیے دو روزہ ٹرائلز کا اعلان کر دیا ہے جو 22 اور 23 جنوری کو منعقد ہونگے۔ پاکستان ہاکی فیڈریشن نے سلیکشن کمیٹی کو ہدایت کی ہے کہ وہ ٹرائلز کا جائزہ لیکر کھلاڑیوں کو شاٹ لسٹ کرئے تاکہ بہترین کھلاڑیوں کو قومی سکواڈ کا حصہ بنایا جا سکے۔ واضح رہے کہ پاکستان ہاکی فیڈریشن نے حال ہی میں منعقد ہونے والی 63 ویں نیشنل ہاکی چیمپیئن شپ میں عمدہ کارکردگی کا مظاہرہ کرنے والے 74 کھلاڑیوں کو کراچی کے تربیتی کیمپ میں رپورٹ کرنے کی ہدایت کی تھی۔