لاہور(سپورٹس رپورٹر) پنجاب لان ٹینس ایسوسی ایشن کے زیراہتمام جونیئر نیشنل ٹینس چیمپئن شپ آج بروزمنگل17 جنوری سے پنجاب ٹینس کوچنگ سنٹر باغ جناح میں شروع ہوگی۔ چیمپئن شپ میں پاکستان بھر سے 120 کے قریب جونیئر کھلاڑ ی شرکت کر رہے ہیں۔ٹورنامنٹ ڈائریکٹر پنجاب لان ٹینس ایسوسی ایشن کے سیکرٹری رشید ملک ہیںجبکہ نیشنل چیمپئن شپ کے ریفری فہیم صدیقی ہوںگے۔ رشید ملک کے مطابق پانچ روزہ چیمپئن شپ میں انڈر 10، 12، 14،18 سنگلز جبکہ انڈر 18 گرلز اور بوائز ڈبلز مقابلے منعقد ہوں گے۔ رشید ملک کے مطابق عالم الخیال پچھلے دو سال سے جونیئر چیمپئن شپ کا پچھلے دو سال سے انعقاد ہو رہا ہے اور یہ تیسری عالم الخیال جونیئر نیشنل چیمپئن شپ ہے۔