کراچی ائر پورٹ پر دوران چیکنگ خواتین مسافروں کے بیگ سے 6لاکھ کا سونا غائب
کراچی (آئی این پی )کراچی ائرپورٹ پر بیرون ملک جانے والے پرواز کی چیکنگ کے دوران مسافر کے بیگ سے 6لاکھ کا سونا غائب ہو گیا۔ نجی ٹی وی کے مطابق نجی ائرلائن کی دبئی جانیوالی پرواز کراچی ائرپورٹ پر موجود تھی کہ اس کی چیکنگ کے دوران خواتین مسافروں کے بیگ سے سونا غائب ہو گیا۔ سی سی ٹی وی کیمرے لگے ہونے کے باوجود انتظامیہ سونا تلاش کرنے میں ناکام رہی۔ معراج بانو اور ان کی بیٹی صبا کراچی سے نجی ائرلائن کی پرواز ایف زیڈ330 سے دبئی جا رہی تھیں۔متاثرہ خواتین نے کہا ہے کہ انتظامیہ کی جانب سے سونے کی تلاش میں کوئی تعاون نہیں کیا جا رہا۔
سونا غائب
