شیخوپورہ(نامہ نگارخصوصی)لاہور روڈ پر ٹول پلازہ سے ٹیکس دیئے بغیر گاڑی گزارنے پر عملہ نے جیالوں کی کار کو روک کر اس میں سوار پانچ جیالوں کو شدید تشدد کا نشانہ بنانے کے بعد یرغمال بنالیا اور گاڑی بھی توڑ ڈالی، یرغمال بنائے جانے والے جیالوں کو عملہ نے نامعلوم مقام پر منتقل کردیا ہے۔ بتایا گیا ہے کہ فیروزوالہ سے قاسم وغیرہ گاڑی پر شیخوپورہ آرہے تھے کہ ٹول پلازہ پر ٹول ٹیکس دیئے بغیر انہوں نے گاڑی بھگادی جس پر عملہ نے ان کا تعاقب کرکے انہیں روک لیا اور سینکڑوں لوگوں کے سامنے انہیں تشدد کا نشانہ بنایا۔