کرائسٹ چرچ(سپورٹس ڈیسک )بنگلہ دیش کی ٹیم, نیوزی لینڈ کے خلاف سیریز کے دوسرے ٹیسٹ میچ کی پہلی اننگز میں 289 رنز بنا کر آؤٹ ہوگئی۔کرائسٹ چرچ میں کھیلے جارہے سیریز کے دوسرے اور آخری ٹیسٹ میچ میں نیوزی لینڈ کے کپتان کین ولیمسن نے ٹاس جیت کر بنگلہ دیش کو پہلے بیٹنگ کی دعوت دی۔تمیم اقبال 5 ،محموداللہ 19 سومیا سرکار 86 رنز بنا کر ٹرینٹ بولٹ کا نشانہ بنے۔ وکٹ کیپنگ کی ذمہ داری ادا کرنیوالے نورالحسن نے 47 رنز کی اننگز کھیلی جبکہ شکیب الحسن 59 رنز بنا کر ٹم ساؤتھی کو وکٹ دے بیٹھے۔بنگلہ دیش کی ٹیم پہلے روز کھیل کے اختتام پر پہلی اننگزمیں 289 رنز بنا کر آؤٹ ہوئی۔ٹم ساؤتھی نے 5 اور ٹرینٹ بولٹ نے 4 وکٹیں حاصل کیں۔