پاکستان آگہی پروگرام‘ مقامی سکول کے طلبہ کا دورہ ایوان کارکنان تحریک پاکستان‘ موبائل یونٹٹس کے مختلف تعلیمی اداروں میں لیکچر
لاہور(خبرنگار)نیو جناح پبلک ہائی سکول افشاں پارک لاہور کی طلباء و طالبات اور اساتذہ کرام نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ کا مطالعاتی دورہ کیا اور تحریک پاکستان کی تصویری گیلری بھی دیکھی۔ دریں اثناء موبائل نظریاتی تعلیمی یونٹس نے دوقومی نظریہ پر لیکچر دینے کے لیے گورنمنٹ کالج آف ٹیکنالوجی برائے خواتین لٹن روڈ گورنمنٹ بوائز ہائی سکول تاج پورہ سکیم لاہور ‘الحنیف ماڈل گرلز ہائی سکول گلشن پارک نبی پورہ روڈلاہور‘گورنمنٹ گرلز ہائی سکول جوڑا پیر کالونی باغبانپورہ ‘گورنمنٹ گرلز ہائی سکول فیض پور خورد شاہدرہ اور گورنمنٹ بوائز پرائمری سکول رانا بھٹی، شاہدرہ کا وزٹ کیا۔ ایوانِ کارکنانِ تحریکِ پاکستان لاہور اور مذکورہ بالا تعلیمی اداروں میں مستفید ہونے والے اساتذہ اور طلبہ کی مجموعی تعداد780تھی۔
