نارنگ منڈی (نامہ نگار) ڈرائیور نے طالب علم کو دیکھ کر بس چلا دی، ہاتھ چھوٹ جانے کے باعث بارہویں جماعت کا طالب علم بس کے پہیوں تلے آکر تڑپ تڑپ کر دم توڑگیا، والدین اپنے جواں سال بیٹے کی اچانک موت دیکھ کر حواس کھو بیٹھے۔ پولیس نے بس قبضہ میں لے کر ڈرائیور اشتیاق احمد کو گرفتار کرلیا ہے۔ یہ افسوسناک واقعہ نارنگ منڈی کے علاقہ نیو کالا خطائی روڈ پر گجر چوک کے قریب گزشتہ روز علی الصبح اس وقت پیش آیا جب نواحی گاﺅں اونچا پنڈ کا سیکنڈ ائیرکا طالب علم ابولاس اصغر مسافر بس نمبر ایم این بی 4826 پر سوار ہونے لگا تو ڈرائیور نے دیگر سواریوں کو بٹھا کر بس چلادی جس کے باعث اس کا ہاتھ چھوٹ گیا اور وہ بس کے نیچے آکر بری طرح کچلا گیا۔ ایس ایچ او ریاض بھٹی نے دوران ناکہ ڈرائیور کو فوری طور پر گرفتار کرکے بس کو قبضہ میں لے لیا ہے۔
طالبعلم ہلاک