رائے ونڈ (نامہ نگار) گدھوں کی کھالیں اتارنے والا گروہ ایک بار پھر سرگرم ہوگیا، رائے ونڈ کے نواح کوٹ نواب دین میں کھیتوں میں سے بغیر کھال کے دس گدھوں کی لاشیں برآمد ہوئی ہیں۔ معلوم ہوا ہے کہ ہدایت علی ،منشاءجٹ ،محمد حنیف ،عبدالرزاق ،محمد صدیق ،محمد یعقوب کے دس گدھے چوری ہوگئے تھے ،جب وہ گدھوں کی تلاش کرتے ہوئے قریبی کھیتوں میں گئے تو وہاں دس گدھوں کے ڈھانچے پڑے تھے، نامعلوم ملزموں کیخلاف تھانہ کوٹرادھاکشن میں رپورٹ درج کرلی گئی ہے۔