ژوب اور سوات میں گاڑیاں کھائیوں میں گرنے سے 9 افراد جاںبحق
ژوب + سوات (این این آئی+نوائے وقت رپورٹ) ژوب میں کار گہری کھائی میں گرنے سے ایک ہی خاندان کے 5 افراد جبکہ سوات میں جیپ کھائی میں گرنے کے باعث 4 افراد جاں بحق ہو گئے جبکہ 3 زخمی ہو گئے۔ شیرانی دہانہ سر کے مقام پر ژوب سے ڈی آئی خان جانے والی کار گہری کھائی میں گر گئی جس کے نتیجے میں ایک ہی بدقسمت خاندان سے تعلق رکھنے والے دو خواتین سمیت پانچ افراد جاںبحق ہوگئے اور تین بچے زخمی ہوگئے جہنیں سول ہسپتال ژوب منتقل کردیا گیا جاںبحق افراد میں سراج الدین، خدائیداد،خیر محمد مسماۃ (ف) اور مسماتہ (ع) شامل ہیں۔ ادھر کشورہ سوات کے قریب جیپ کھائی میں گرنے سے 4 افراد جاںبحق ہو گئے۔
