لاہور (سپورٹس رپورٹر+ نمائندہ سپورٹس)دو دن سے شہر میں جاری بارشوں کے باعث کھیلوں کی سرگرمیاں مفلوج ہو کر رہ گئی۔ کرکٹ اور فٹبال گراؤنڈز کو کھیل کے قابل نہ بنایا جاسکا۔ ماڈل ٹاؤن گرینز،ماڈل ٹاؤن کرکٹ کلب،علی گڑھ کرکٹ کلب،کرکٹ سینٹر،ٹاؤن شپ وائٹس،فیصل ٹاؤن کلب،ریڈرز فٹبال کلب،ایم ٹی ایف اے،فیم فٹبال کلب ،ایل سی سی اے گراؤنڈ اور شہر کے دیگر گراؤنڈزسے بارش کا پانی تاحال نکالا نہ جاسکا۔ گراؤنڈز سٹاف کا کہنا ہے کہ بارش کا سلسلہ رکا تو آئندہ دو دن میں گراؤنڈ سے نکاسی آب ممکن بنائی جاسکے گی۔