لاہور(نمائندہ سپورٹس+سپورٹس رپورٹر )قومی کرکٹ ٹیم کے سابق کپتان شاہد خان آفرید ی نے آرمی پبلک سکول پشاور کا دورہ کیا ۔انہوں پاک آرمی کے افسروں ‘نوجوانوں او ر متعلقہ سکول کے طلبہ سے ملاقات بھی کی۔ تقریب کا انعقاد کیاگیا جس سے شاہد آفرید ی نے خطاب کیا اور شہید طلبہ کو خراج عقیدت پیش کیا۔ شاہد آفریدی نے طلبہ میں پشاور زلمی فائونڈیشن کی شرٹس اور کھیلوں کا سامان بھی تقسیم کیں ۔انہوںنے کہا کہ آرمی پبلک سکول سے ٹیلنٹ ہنٹ پروگرام کا آغاز کر رہا ہوں ‘نوجوان کرکٹرز کی رہنمائی کرتا رہوں گا تاکہ ان کی کارکردگی بہتر ہوسکے۔اے پی ایس کے پچاس طلبہ کو پاکستان سپر لیگ کے میچ دکھائیں جائیں گے ۔انہوں نے الخدمت فائونڈیشن کا دورہ کیا اور یتیم بچوں کی کفالت میں مدد کرنے کی یقین دہانی بھی کرائی ۔ انہوں نے کہا کہ شاہد خان آفریدی فائونڈیشن بھرپور کردار ادا کرے گی ۔