شکرگڑھ : پستول سے کھیلتے بہن کے ہاتھ سے گولی چل جانے سے 4 سالہ بھائی جاں بحق
شکرگڑھ (نامہ نگار) پستول سے کھیلتے ہوئے تیرہ سالہ بہن کے ہاتھوں گولی چل جانے سے چار سالہ بھائی جاں بحق ہو گیا۔ بتایا گیا ہے شہر کے نواحی محلہ مردووال میں رانا جاوید سرور کے ڈیرہ پر ملازم فضل اکبر کی تیرہ سالہ بیٹی طوبیٰ اپنے چار سالہ بھائی عرفان اللہ کے ہمراہ اپنے باپ کے پستول سے کھیل رہی تھی کھیل کھیل میں اچانک گولی چل گئی جو چار سالہ عرفان اللہ کو جا لگی جس سے وہ موقع پر ہی جاں بحق ہو گیا۔ اطلاع ملتے ہی پولیس تھانہ سٹی موقع پر پہنچ گئی۔ ایس ایچ او تھانہ سٹی انسپکٹر شعیب کامران نے بتایا کہ بچے کے والد فضل اکبر نے واقعہ کو حادثہ قرار دیتے ہوئے کسی بھی قانونی کارروائی سے انکار کیا ہے، بچے کے باپ کے مطابق پسٹل میری ملکیت اور لائسنس یافتہ ہے۔
گولی/ بھائی جاں بحق
