فلسطینی صدر محمود عباس 3 روزہ دورے پر اسلام آباد پہنچ گئے، شاندار استقبال
اسلام آباد (سپیشل رپورٹ+ نمائندہ خصوصی) فلسطین کے صدر محمود عباس پاکستان کے تین روزہ دورے پر اسلام آباد پہنچ گئے۔ صدر ممنون حسین نے ائرپورٹ پر فلسطینی ہم منصب کا خیرمقدم کیا۔ صدر محمود عباس صدر ممنون حسین اور وزیراعظم نواز شریف سے ملاقات کریں گے۔ فلسطینی صدر اور وزیراعظم نواز شریف اسلام آباد میں فلسطین کے نئے سفارتخانے کا افتتاح کریں گے۔ صدر محمود عباس یکم فروری تک پاکستان میں قیام کریں گے۔ فلسطینی صدر محمود عباس کا تیسرا دورہ پاکستان ہے۔ محمود عباس 2005ءاور 2013ءمیں بھی پاکستان کا دورہ کرچکے ہیں۔ صدر ممنون حسین فلسطینی ہم منصب اور ان کے وفد کے اعزاز میں ظہرانہ دیں گے۔
محمود عباس
