لاہور (سپورٹس رپورٹر) پاکستان رگبی یونین کے زیراہتمام خواتین سیونز رگبی ٹیم کا کیمپ لاہور کینٹ میں پاکستان رگبی اکیڈمی میں جاری ہے۔ پاکستان ویمن رگبی سیونز ٹیم 14 فروری کو اپنے پہلے انٹرنیشنل ایونٹ ایشین رگبی ویمنز سیونز ٹرافی 2017ء میں شرکت کیلئے لائوس کے شہر وینٹائن روانہ ہوگی جہاں سات ملکی ٹورنامنٹ میں حصہ لے گی۔ ٹورنامنٹ 16 سے 18 فروری تک کھیلا جائے گا۔ ٹیم 20 فروری کو واپس لاہور پہنچے گی۔