لیپہ (آن لائن)آزاد کشمیر کے شہر لیپہ میں آگ لگنے سے آٹے کے ڈپو سمیت 70 سے زائد دکانیں جل کر خاکستر ہو گئیں۔ راستوں کی بندش کے باعث فائر بریگیڈ کی گاڑیاں دوسرے شہروں سے مدد کیلئے نہ پہنچ سکیں۔ضلع ہٹیاں بالا کے شہر لیپہ میں خوفناک آگ سے بھاری نقصان ہوا ہے۔ پولیس کے مطابق شارٹ سرکٹ سے آگ لگی کی وجہ سے لکڑی سے بنی 70 دکانیں، 7 مکانات، آٹے کا ڈپو اور 5 گاڑیاں مکمل جل گئیں۔ آٹا کے ڈپو میں 14 سو بوری آٹا موجود تھا۔ متاثرہ علاقے لیپہ کا مظفرآباد اور ہٹیاں بالا شہر سے واحد زمینی رابطہ تین ہفتوں سے بھاری برفباری کی وجہ سے بند ہے جس کی وجہ سے ریسکیو آپریشن کیلئے مدد نہ دی جا سکی جبکہ لوگ اپنی مدد آپ کے تحت آگ بجاتے رہے۔ دوسری جانب لیپہ میں ٹیلی فونک رابطے، انٹرنیٹ اور بجلی کا نظام بھی معطل ہے۔