کراچی (نوائے و قت رپورٹ) پاکستان سٹیٹ آئل کے ترجمان نے پی آئی اے کو تیل کی سپلائی روکنے کی تردید کر دی۔ انہوں نے کہا کہ پی ایس او نے پی آئی اے کو تیل کی سپلائی نہیں روکی گئی بلکہ یہ شیڈول کے تحت جاری ہے۔ اس سے قبل مختلف ٹی وی چینلز نے خبریں چلائی تھیں کہ پی ایس او نے 15 ارب روپے کے واجبات ادا نہ کرنے پر قومی ائر لائن کو ایندھن کی فراہمی روک دی جس سے ائر لائن کی لاہور اسلام آباد اور دیگر شہروں کو جانیوالی کئی پروازیں روک دی گئیں۔