اسلام آباد (نوائے وقت رپورٹ) وزیر مملکت برائے اطلاعات مریم اورنگزیب نے کہا ہے کہ امیر قطر کو کوئی گھوڑا تحفے میں نہیں دیا گیا۔ کچھ ماہ پہلے امیر قطر کو دورہ کرنا تھا جو انہوں نے نہیں کیا۔ امیر قطر کو یہ گھوڑا تحفے میں دیا جانا تھا۔ سی 130 طیارے کے ذریعے گھوڑا قطر بھجوانے کی خبر بے بنیاد ہے۔ علاوہ ازیں پاک فضائیہ کے ترجمان نے کہا ہے کہ سی 130 طیارے کے ذریعے قطر گھوڑا بھیجنے کی خبر بے بنیاد اور غلط ہے، پاک فضائیہ اس خبر کی مکمل طور پر تردید کرتی ہے۔