گوجرانوالہ (نمائندہ خصوصی) سنگدل ماں نے مبینہ طور پر اپنے شیر خوار بیٹے کو چھت سے نیچے پھینک دیا، لخت جگر معجزانہ طور پر محفوظ رہا۔ پولیس نے خاتون کو حراست میں لے لیا۔ میاں سانسی روڈ کے شعیب کی بیوی عائشہ نے اپنے شیر خوار بیٹے کو مبینہ طور پر غربت سے تنگ آکر چھت سے نیچے پھینک دیا، دادی کے شور پر مچانے پر محلے داروں نے فوری طور پر بچے کو ڈسٹرکٹ ہسپتال منتقل کیا جہاں پر ڈاکٹرز کے مطابق بچہ محفوظ ہے اور اسے کوئی چوٹ نہیں آئی۔ بچے کی دادی نے بتایا کہ عائشہ اپنے بیٹے کے رونے اور بار بار دودھ مانگنے سے پریشان تھی جس پر طیش میں آ کر اس نے بچے کو شاپنگ بیگ میں ڈال کر نیچے پھینک دیا۔