پاکستان آگہی پروگرام، مقامی سکول کے اساتذہ اور طلبہ کا ایوان کارکنان تحریک پاکستان کا دورہ موبائل یونٹوں کے سکولوں میں لیکچر
لاہور(خصوصی رپورٹر)دی شاہین ماڈل سکول‘ اتحاد پارک‘ شاہدرہ ٹائون کے طلبا و طالبات اور اساتذہ کرام نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظم، لاہور کا مطالعاتی دورہ کیا اور تحریک پاکستان کی تصویری گیلری بھی دیکھی۔ دریں اثناء موبائل نظریاتی تعلیمی یونٹس نے کریٹو گرائمر سکول‘ گلشن راوی‘طباق سکول سسٹم‘ شام نگر روڈ‘گورنمنٹ فاروقی اسلامیہ ہائی سکول‘ باغبانپورہ‘نیوکشمیر ہائی سکول‘ رشید پورہ چوک‘دی ہائی فائیو سکول‘ رشید پورہ‘نفیس ماڈل ہائی سکول‘ جمال پارک‘شاہدرہ‘سٹی ڈسٹرکٹ گورنمنٹ بوائز مڈل سکول‘ فرخ آباد‘شاہدرہ‘ کا وزٹ کیا۔ مستفید ہونے والے اساتذہ اور طلبہ کی مجموعی تعداد 864تھی ۔
