اوکاڑہ (نامہ نگار) پولیس مقابلے میں دو ڈاکو ہلاک جبکہ انکے دو دیگر ساتھی فرار ہوگئے۔ نواحی گائوں 28/2-L کے قریب پولیس ڈاکوئوں کو برآمدگی کیلئے لے جا رہی تھی کہ راستے میں انکے تین ساتھیوں نے فائرنگ کرکے چھڑانے کی کوشش کی تاہم جوابی فائرنگ سے دو ڈاکو آصف اور عثمان مارے گئے اور انکے دو ساتھی فرار ہوگئے۔ ہلاک ہونے والے ڈاکوئوں سے اسلحہ بھی برآمد ہوا۔ فائرنگ کے تبادلے میں ایک راہگیر بھی زخمی ہوگیا۔