نوشہرہ ورکاں (نامہ نگار) ڈیلٹا روڈ پر برگر کی خریداری پر جھگڑا، مار کٹائی اور فائرنگ میں پی پی 101 سے رکن پنجاب اسمبلی کے بھائی گولیاں لگنے سے شدید زخمی ہوگئے۔ ایم پی اے ریاض امانت علی کے بھائی چوہدری ثنااللہ ورک نے اپنے عزیزوں کے ہمراہ ڈیلٹا روڈ گوجرانوالہ جاتے ہوئے بابا فرید برگر ہاوس پر برگر خریدنے کیلئے اپنی گاڑی روکی تو اس دوران انکا کسی بات پر برگر ہاوس کے لوگوں سے جھگڑا ہوگیا اور لڑائی کے بعد فائرنگ سے چوہدری ثنا اللہ ورک کے سر اور بازو پر گولیاں لگیں جس سے وہ بری طرح زخمی ہوگئے، انکو فوری طور پر ڈی ایچ کیو ہسپتال پہنچایا گیا مگر حالت زیادہ تشویشناک ہونے کی وجہ سے انہیں جنرل ہسپتال ریفر کردیاگیا۔