شیخوپورہ (نامہ نگار خصوصی) شرقپور پولیس نے نیشنل ایکشن پلان کے تحت محلہ غریب آباد، کوکڑی پور اور پُرانا ہسپتال کے علاقہ میں سرچ آپریشن کے دوران چھ مشکوک افراد کو حراست میں لے لیا۔ آپریشن کے دوران شادی بیاہ پر آتش بازی کا سامان سپلائی کرنے والی فیکٹری پکڑ کر لاکھوں مالیت کا سامان برآمد کرلیا اور فیکٹری مالک محمد سرور کو گرفتار کر کے اس کے تین ساتھیوں سمیت مقدمہ درج کر لیا۔ تھانہ مانانوالہ پولیس نے دوران سرچ آپریشن جرائم میں ملوث تین منشیات فروش عالمگیر عرف ہیر، اسحاق عاشق اور مدثر کو پکڑ کر مقدمات درج کرلیے۔