لاہور(سپورٹس رپورٹر+نمائندہ سپورٹس) پاکستان ہاکی فیڈریشن نے ہیڈ کوچ اور فیڈریشن پر تنقید کرنے پر گول کیپر عمران بٹ کو شوکاز نوٹس جاری کر دیا۔پی ایچ ایف کی جانب سے عمران بٹ کے محکمے پی آئی اے کے سپورٹس ڈیپارٹمنٹ کو خط لکھا گیا ہے جس میں بتایا گیا ہے کہ پلیئر کی جانب سے ہیڈ کوچ اور فیڈریشن کو تنقید کا نشانہ بنایا گیا ہے، فیڈریشن کے قواعد کی رو سے ہم براہ راست پلیئر سے استفسار نہیں کر سکتے، اس لیے پی آئی اے گول کیپر سے اس معاملے پر بات کرکے 14 فروری تک جواب ارسال کرے۔