اسلام آباد (بی بی سی اردو) الیکشن کمشن آف پاکستان نے اعلامیہ جاری کیا جس میں تمام افسروں اور اہلکاروں کو پابند کیا گیا ہے کہ کوئی بھی جرمنی کی غیر سرکاری تنظیم ڈیموکرسی رپورٹنگ انٹرنیشنل کے ساتھ معلومات کا تبادلہ نہیں کیا کرے گا۔ اس کی وجہ یہ بتائی گئی ہے کہ مذکورہ جرمن غیر سرکاری تنظیم کو ابھی تک پاکستانی وزارت داخلہ کی جانب سے سکیورٹی کلیئرنس سرٹیفیکیٹ جاری نہیں کیا گیا۔ الیکشن کمشن کی جانب سے جاری ہونے والے حالیہ حکم نامے پر ڈیموکریسی رپورٹنگ انٹرنیشنل کے اعلی عہددار نے نام نہ ظاہر کرنے کی شرط پر یہ کہا کہ تنظیم کے اندراج کا معاملہ وزارت داخلہ میں زیرغور ہے مگر ادارے کو ایک عبوری اجازت نامے پر پاکستان میں کام کرنے کی اجازت دی گئی تھی۔ ان کا مزید کہنا تھا کہ ابھی تک ادارے پر پابندی کے حوالے سے الیکشن کمشن آف پاکستان اور نہ ہی وزارت داخلہ کی جانب سے کوئی تحریری یا زبانی طور پر آگاہ کیا گیا ہے۔
پابندی