بلاول نے سرگودھا ڈویژن اور اضلاع کے عہدیداروں کا بھی تقرر کر دیا
(خبرنگار) چیئرمین پیپلزپارٹی بلاول بھٹو زرداری نے پیپلز پارٹی سنٹرل پنجاب کی کوآرڈینیشن کمیٹی کی سفارشات اور سینئر رہنمائوں کی مشاورت سے سرگودھا ڈویژن اوراضلاع کے عہدیداروں کا بھی تقرر کر دیا ہے، بلاول ہائوس کراچی سے بلاول بھٹو کے پولیٹکل سیکرٹری جمیل سومرو کے جاری کردہ نوٹیفکیشن کے مطابق سابق وفاقی وزیر مملکت تسنیم احمد قریشی کو صدر سرگودھا ڈویژن اور حاجی ظل حسین کو جنرل سیکرٹری مقرر کر دیا ہے جبکہ ضلع سرگودھا کیلئے چودھری نعمان مہوٹہ کو صدر اور رانا جمشید خان کو جنرل سیکرٹری، سرگودھا شہر کیلئے رانا قمر عباسی کو صدر اور میاں جاوید کو جنرل سیکرٹری ضلع میانوالی کیلئے زبیر حمزہ خان کو صدر اقبال احمد خان جنرل سیکرٹری، ضلع خوشاب کیلئے ڈاکٹرنعیم صادق اور مرزا نیاز بیگ کو جنرل سیکرٹری مقرر کیا ہے۔
