گوجرانوالہ(نمائندہ خصوصی) ون ویلنگ کے دوران 2 موٹر سائیکل ٹکرانے سے ایک نوجوان جاں بحق، تین زخمی ہو گئے۔ تفصیلات کے مطابق سیالکوٹ روڈ پر منچلے نوجوان موٹرسائیکلوں پر کرتب دکھا رہے تھے اس دوران دو موٹر سائیکل بے قابو ہو کر آپس میں ٹکرانے کے نتیجے میں 20 سالہ نوجوان بلال جاں بحق جبکہ علی رضا سمیت تین نوجوان زخمی ہو گئے۔ ریسکیو اہلکاروں نے جاں بحق نوجوان کی نعش کو ضروری کارروائی اور زخمیوں کو طبی امداد کی فراہمی کیلئے ڈسٹرکٹ ہسپتال منتقل کر دیا۔ واقعہ کی اطلاع ملنے پر پولیس نے موقع پر پہنچ کر تحقیقات شروع کر دی۔