چیچہ وطنی(نامہ نگار)بائی پاس روڈ پر بس کی موٹر سائیکل کو ٹکر سے بہن بھائی جاں بحق جبکہ ایک خاتون زخمی ہو گئی ۔ تفصیلات کے مطابق گائوں 95/15-Lمیاں چنوں کے رہائشی محمد افضل اپنی بہن سکینہ بی بی اور بھانجی سونیا کے ہمراہ موٹر سائیکل پر چیچہ وطنی کے نواحی گائوں 110/7-Rمیں قریبی رشتہ دار کو ملنے کے لئے جارہے تھے شرقی بائی پاس روڑ پر پیچھے سے آنے والی تیز رفتار بس نے انہیں روند ڈالا جس سے بہن بھائی موقع پر ہی جاں بحق ہو گئے جبکہ بھانجی شدید زخمی ہو گئی۔جسے ریسکیو1122نے ٹی ایچ کیو ہسپتال منتقل کیا جہاں سے ابتدائی طبی امداد کے بعد تشویشناک حالت کے پیش نظر اسے نشتر ہسپتال ملتان منتقل کر دیا ۔پولیس مصروف تفتیش ہے۔