لاہور(خبر نگار)علامہ اقبال انٹرنیشنل ائیر پورٹ پر پروازوں کی منسوخی کا سلسلہ مزید بڑھ گیا۔ گزشتہ روز بھی 12انٹر نیشنل اور لوکل پروازیں منسوخ کر دی گئیں جبکہ کئی پروازیں تاخیر کا شکار ہوئیں۔ مسافروں نے اس صورتحال پر گذشتہ روز ائیر لائنز انتظامیہ کے خلاف احتجاج کیا۔ گزشتہ روزپی آئی اے کی لاہور سے کوالالمپور جانے والی پرواز پی کے 896، بیجنگ سے لاہور آنے والی پرواز پی کے 855، لاہور سے کوالالمپور جانے والی پرواز پی کے 897، کراچی سے لاہور آنے والی پرواز پی کے 896، لاہور سے کراچی جانے والی پرواز پی کے 855، کراچی سے لاہور آنے والی پرواز پی کے 318، لاہور سے کراچی جانے والی پرواز پی کے 315، لاہور سے کراچی جانے والی پرواز پی کے 313 منسوخ کر دی گئیں۔ایئربلیو کی کراچی سے لاہور آنے والی پرواز 404 منسوخ اورایئربلیو کی لاہور سے کراچی جانے والی پرواز 405، سیرین ایئر کی کراچی سے لاہور آنے والی پرواز 520 اورسیرین ایئر کی لاہور سے کراچی جانے والی پرواز 521 منسوخ کر دی گئیں۔