سرگودھا (نامہ نگار) وزیراعظم نواز شریف کا دورہ سرگودھا سکیورٹی خدشات کی وجہ سے ملتوی کردیا گیا وزیراعظم نوازشریف کو آج بروز جمعہ سہ پہر3بجے یونیورسٹی آف سرگودھا کے کرکٹ گراؤنڈ میںغریب افراد میںہیلتھ کارڈ تقسیم کرنے کی تقریب سے خطاب کرنا تھا اور اس کے لئے تمام انتظامات بھی مکمل کر لئے گئے تھے۔ وزیراعظم کے ہیلی کاپٹرکے لئے ہیلی پیڈ جبکہ ضلعی انتظامیہ کی طرف سے کرکٹ گراؤنڈ میں لاکھوں روپے کی لاگت سے سٹیج بھی تعمیر کر لیا گیا تھا۔