لاہور (پ ر) گورنمنٹ اسلامیہ کالج ریلوے روڈ لاہور میں 125 سالہ تقریبات کے سلسلے میں 97سالانہ کھیلوں کا آغاز ہو گیا۔ کالج کے پرنسپل پروفیسر طاہر جاوید نے چیئرمین سپورٹس پروفیسر جاوید اختر کے ساتھ 97سالانہ کھیلوں کا آغاز کیا۔ تقریب میں پروفیسر انور سعید (وائس پرنسپل) پروفیسر ڈاکٹر غضنفر علی وڑائچ (ڈین آف آرٹس) پروفیسر ڈاکٹر امتیاز شاہد، ڈاکٹر ثاقف نفیس، پروفیسر زاہد اعوان کے علاوہ دیگر اساتذہ اور طلبہ کی کثیر تعداد نے شرکت کی۔