لاہور(سپورٹس رپورٹر) سابق فاسٹ باولر شعیب اختر نے کہا ہے کہ پاکستان سپر لیگ کا فائنل لاہور میں ہونے پر بے حد خوش ہوں، غیر ملکی کھلاڑیوں سے اپیل کرتا ہوں کہ وہ پاکستان آئیں، شرجیل اور خالد کو پی سی بی کا شکر گزار ہونا چاہئے کہ ان کو بروقت دبئی سے نکال لیا، ورنہ انہیں بھی 5 سے 10 سال کی سزا ہونا تھی۔ میں نہیں چاہتا دونوں کھلاڑی عدالت جائیں۔ عدالت گئے تو ماضی کا بھی کچھا چٹھا کھل جائے گا۔ دوکھلاڑیوں کی وجہ سے لیگ پر سوالیہ نشان نہیں لگایا جاسکتا۔