کوئٹہ: لورالائی میں یونیورسٹی روڈ سے 50کلو وزنی 14بم برآمد پولیس نے ناکارہ بنا دئیے
کوئٹہ(آن لائن) لورالائی پولیس نے دہشتگردی کا منصوبہ ناکام بناتے ہوئے گھی کے ڈبوں میں نصب 50کلو وزنی 14بموں کو ناکارہ بناکر قبضے میں لے لیا۔ لورالائی کے علاقے یونیورسٹی روڈ پر باغ میں نامعلوم افراد نے گھی کے ڈبوں میں بم نصب کررکھے تھے جس کی اطلاع لورالائی پولیس کو ملی پولیس نے موقع پر پہنچ کر علاقے کو گھیرے میں لیکر بم ڈسپوزل سکواڈ کو طلب کرکے بموں کو ناکارہ بناکر قبضے میں لے لیا پولیس ذرائع کے مطابق 14بموں کو گھی کے ڈبوں میں ڈیٹونیٹرکے ساتھ نصب کیاگیا تھا۔ پولیس نے نامعلوم ملزمان کے خلاف مقدمہ درج کرکے کارروائی شروع کر دی۔
لورالائی بم برآمد
