سکھر(آن لائن) شہری دہشت گرد کارروائیوں کے خلاف سڑکوں پر نکل آئے، دہشت گر د کا علامتی پتلہ بنا کر اس پر لاٹھیاں اور ڈنڈے برساکر نذر آتش کر دیا، مظاہرے میں شامل شخص کا پاک افواج کیساتھ اظہار یکجہتی کیلئے جسم پر آرمی چیف کی تصویر چسپا کر دی۔ شہریوں کی بڑی تعداد نے گھنٹہ گھر چوک پر احتجاجی مظاہرہ کیا اور دہشت گردی کے خلاف نعرے بازی کی۔اس موقع پر مظاہرے میں شامل افراد نے دہشت گرد کا علامتی پتلا بنا کر اس پر سیاہ توا لٹکا دیا اور پتلے پر لاٹھیاں اور ڈنڈے برساکر دہشت گرد کا پتلا نذر آتش کیا مظاہرے میں شامل شہریوں کا کہنا تھا کہ دہشتگرد ہمارے دشمن ہیں اور ان سے کوئی اچھا سلوک یا رعایت نہیں ہونی چاہیے۔ مظاہرین نے پاک فوج کی حمایت میں نعرے بازی بھی کی۔
دہشتگردی/احتجاج