پی ٹی آئی سندھ کے سابق صدر نادر لغاری پیپلز پارٹی میں شامل
کراچی (نیٹ نیوز) پاکستان پیپلز پارٹی نے تحریک انصاف کی وکٹ گرا دی۔ پی ٹی آئی سندھ کے سابق صدر نادر لغاری نے سابق صدر اور پیپلز پارٹی کے شریک چیئرمین آصف زرداری سے کراچی میں ملاقات کی۔ جس میں سیاسی امور پر تبادلہ خیال کیا گیا۔ ترجمان بلاول ہاؤس کے مطابق نادر لغاری نے بلاول بھٹو زرداری اور آصف علی زرداری کی قیادت پر مکمل اعتماد کا اظہار ہے اور پیپلز پارٹی میں شمولیت کا فیصلہ کیا۔ واضح رہے گزشتہ روز نبیل گبول نے بھی دوبارہ پیپلز پارٹی میں شمولیت کا اعلان کیا تھا۔
