فیصل آباد، پاکپتن، سیالکوٹ، پسرور 2 خواتین سمیت 4 افراد سے زیادتی
فیصل آباد/ سیالکوٹ/ پسرور/ پاکپتن (نمائندہ خصوصی + نامہ نگاران) مختلف شہروں میں اوباشوں نے 2 خواتین سمیت 4 افراد کو زیادتی کا نشانہ بنادیا۔ فیصل آباد سے نمائندہ خصوصی کے مطابق تاندلیانوالہ کے علاقہ چک نمبر 409 گ ب کی رہائشی نسرین بی بی کو فاروق وغیہر 4 افراد نے اغوا کرلیا۔ بعد میں نسرین بی بی کو فاروق نے زیادتی کا نشانہ بنا ڈالا۔ سیالکوٹ سے نامہ نگار کے مطابق تھانہ قلعہ کالر والہ کے نواحی گاﺅں گھٹیالیاں میں ابرار سٹاپ پر کھڑا تھا کہ ولی اور اس کا ساتھی موٹر سائیکل پر بٹھا کر ڈیرے پر لے گئے جہاں انہوں نے دیگر ساتھیوں کے ساتھ ملکر ابرار کو ہوس کا نشانہ بنایا۔ پسرور سے نامہ نگار کے مطابق گاﺅں اونچا پہاڑنگ میں شانی اور وقار نے عظیم کو بہانے سے ویرانے میں لے جاکر زیادتی کا نشانہ بنا دیا۔ پاکپتن کے نواحی گاﺅں 85 ڈی کے رہائشی نذر محمد اپنے احاطہ مویشیاں میں سویا ہوا تھا، محمد الیاس وغیرہ پانچ افراد نے اس کے گھر میں گھس کر ملزم الیاس نے اس کی بھانجی کو زیادتی کا نشانہ بناکر فرارہوگئے۔ پولیس نے واقعات کیخلاف مقدمات درج کرلئے ہیں۔
زیادتی
